Aksara Bali

 Sorohing Aksara Bali

   Manut Bpk.Wayan Simpen A.B., Aksara Balinè wènten tigang soroh. Minakadi; 

  1.Aksara Wréastra

  2.Aksara Swalalita

  3.Aksara Modré

Selanturnyanè Bpk. Ida Bagus Suasta,ring sasuratan "Aksara Bali Dalam Agama Hindu" Maosang, Aksara Baliné wénten petang soroh. Luir ipun:

  1.Aksara Wréastra

  2.Aksara Swalalita

  3.Aksara Wijaksara

  4.Aksara Modré

Pah-pahan Bpk.Ida Bagus Suasta niki kapikukuhin antuk Tim Panyusun Panduan Panulisan Aksara Bali lan latin, Balai Bahasa Dénpasar, duk warsa 2009.

1. Aksara Wréastra

   Aksara Wréastra inggih punika; Aksara Bali sané kānggén nyuratang bāsa bali lumrah,kājahin ring alit alitè rikala ngawitin mlajah Nulis Aksara Bali, makatah 18[plekutus] sané ketah kebaosang Abjad Aksara Bali.tegesnyané; yéning pacang nyurat bāsa bali sané lumrah, sané nénten madaging campuhan bāsa Kawi/Sansekerta pacang prasida kasurat nganggén Abjad Aksara Baliné sané Plekutus punika.

 Upami;

      1.ᬳᬶᬩᬧᬓᬘᬭᬶᬓᬾ᭟                                       i bapa kacariké         

      2. ᬳᬶᬫᬾᬫᬾ ᬓᬧᭂᬓᭂᬦ᭄᭟                                 i mémé kapeken    

      Puniki wantah Aksara sané Ketah kaplajahin pinaka pangawit mlajahin Nulis Aksara Bali 

              ᬳ᭄ᬳ᭞ ᬦ᭄ᬦ᭞ ᬘ᭄ᬘ᭞ ᬭ᭄ᬭ᭞ ᬓ᭄ᬓ᭞                                     ha  na  ca  ra  ka

              ᬤ᭄ᬤ᭞ ᬢ᭄ᬢ᭞ ᬲ᭄ᬲ᭞ ᬯ᭄ᬯ᭞ ᬮ᭄ᬮ᭞                                 da   ta   sa  wa  la 

                 ᬫ᭄ᬫ᭞ ᬕ᭄ᬕ᭞ ᬩ᭄ᬩ᭞ ᬗ᭄ᬗ᭞                                          ma ga   ba nga

                  ᬧ᭄ᬧ᭞ ᬚ᭄ᬚ᭞ ᬬ᭄ᬬ᭞ ᬜ᭄ᬜ᭞                                       pa    ja  ya  nya 

2.  Aksara Swalalita 

   Aksara puniki kanggén nyuratang basa Bali sané mawit saking basa Kawi/Sansekerta.Aksara puniki taler kabaos Aksara Wayah. sané ngranjing Aksara Swalalita, sami Aksara wreastané maweweh Aksara Wayah puniki ;                           

   ᬅ᭞         ᬇ᭞           ᬉ᭞        ᬏ᭞               Akara   Ikara      Ukara   Ekara 

   ᬛ           ᬑ           ᬒ        ᬡ               Aikara   Okara   Aukara  Narambat                                                                       ᬙ            ᬔ                    ᬟ                   Chalaca  Khakantia  Dhamadu                                                                               ᬣ᭞            ᬝ                    ᬱ                 Thatawa  Talatik        Sasapa                                                                                   ᬰ             ᬍ                    ᬖ               Sasaga      Lalenga       Ghagora                                                                                ᬪ              ᬨ                    ᬛ                  Bha           Pha               Jhajera   

Sami Aksarané Puniki rumanjing sorohing Aksara Swalalita,dwaning Swalalita punika marupa pupulan Wréastra maweweh Aksara Wayah angén nyuratang basa kawi. Ring sor puniki conto sasuratan Swalalita.

         ᬅᬫᬺᬣ᭞ ~Amertha

         ᬪᬝᬭ᭞ ~ Bhathara 

         ᬓᬝᬄ᭞ ~ Katah 

         ᬲᬹᬃᬬ᭞ ~ Surya 

         ᬳᬃᬣ᭞ ~ Artha 

         ᬯᬶᬪᬯ᭞ ~ Wibhawa 

         ᬤᬾᬰ᭞ ~ Desa 

          ᬲᬹᬓ᭄ᬱ᭄ᬫ᭞ ~ Suksma 

          ᬧᬹᬃᬡᬫᬵ᭞ ~ Purnama 

          ᬮᬓ᭄ᬱᬡ᭞ ~ Lakshana 

     Warga Aksara Bali 

       

             

3.  Aksara Wijaksara 

Aksara Wijaksara / Aksara Suci kanggén ajahan miwah paindikan sané Suci.Aksara Puniki mawit saking Aksara biasa lan Swalalita sané ngamolihang panganggé Aksara pinaka Suara sekadi; ulu, Candra, ulu ricem, bisah lan sané tiosan. 

Eka                                                          Aksara; ᬒᬁ᭞ 

Dwi                                                        Aksara; ᬅᬁ᭞ᬅᬄ᭞ 

Tri                                                            Aksara; ᬅᬁ᭞ᬉᬁ᭞ᬫᬁ᭞                

Panca                                                        Brahma;ᬲᬁ᭞ᬩᬁ᭞ᬢᬁ᭞ᬅᬁ᭞ᬇᬁ᭞ 

Panca                                                      Aksara; ᬦᬁ᭞ᬫᬁ᭞ᬰᬶᬁ᭞ᬬᬁ᭞ᬯᬁ᭞ 

Daşaksara;  ᬲᬁ᭞ᬩᬁ᭞ᬢᬁ᭞                                 ᬅᬁ᭞ᬇᬁ᭞ᬦᬁ᭞ᬫᬁ᭞ᬰᬶᬁ᭞ᬯᬁ᭞ᬬᬁ᭞  

Catur Dasaksara; ᬒᬁ᭞ᬅᬁ᭞ᬉᬁ᭞ᬫᬁ᭞              ᬲᬁ᭞ᬩᬁ᭞ᬢᬁ᭞ᬅᬁ᭞ᬇᬁ᭞ᬦᬁ᭞ᬫᬁ᭞ᬰᬶᬁ᭞ᬯᬁ᭞ᬬᬁ᭞ 

Sad Daşaksara; ᬒᬁ᭞ᬅᬁ᭞ᬅᬄ᭞ᬅᬁ᭞ᬉᬁ᭞          ᬫᬁ᭞ᬲᬁ᭞ᬩᬁ᭞ᬢᬁ᭞ᬅᬁ᭞ᬇᬁ᭞ᬦᬁ᭞ᬫᬁ᭞ᬰᬶᬁ᭞ᬯᬁ᭞ᬬᬁ᭞ 

4. Aksara Modré 

Aksara Modré inggih punika Aksara kadiatmikan sané kānggén nyurat japamantra,niasa, doa-doa kawi miwah Usada utawi indik Pangawe ruhan sané kabaos gaib. Sanè ngranjing ring Aksara Modré puniki Aksara Wréastra miwah Swalalita saha kadagingin panganggé miwah pralambang maweweh ortén- orténan mawinan makanten angker pisan. Punika mawinan Aksara Modré kantos nénten keni antuk ngwacén sakadi aksara sampun padem.Ritatkala ngwacén orténan modré puniki patut ngrereh pamargi/tatacara sané kabaos Krakah Modré.